لاہور :تمام داخلی راستے خاردار تاریں اور کنٹینرز لگا کر بند -
The news is by your side.

Advertisement

لاہور :تمام داخلی راستے خاردار تاریں اور کنٹینرز لگا کر بند

لاہور : پاکستان عوامی تحریک کے یوم شہداء پر لاہور کو قلعے میں تبدیل کردیا گیا، انٹرچینج، جی ٹی روڈ اور فیصل ٹاون میں سمیت لاہور کے تمام داخلی راستوں پر پولیس کے تازہ دم دستے تعینات کر دیئے گئے۔

پاکستان عوامی تحریک کے کل ہونے والے یوم شہداء میں لوگوں کی بڑی تعداد کو شرکت سے روکنے کے لئے تمام داخلی راستوں سمیت ماڈل ٹاؤن اور آس پاس کے علاقوں کو خاردار تاروں، بیریئرزاور کنٹینرزلگا سیل کر دیا گیا ہے،  لاہور میں داخل ہونے والے قافلوں کو روکنے کے لئے پولیس کے تازہ دم دستے تعینات کر دیئے ہیں ۔

فیصل ٹاون اور آس پاس کے علاقوں میں بھی پولیس کے تازہ دم دستے بلا لیے گئے ہیں، پنڈ دادن خان میں للہ انٹر چینج پر کنٹینرز لگا کر راستے سیل کر دیئے گئے، جی ٹی روڈ کےامامیہ کالونی پھاٹک پر پولیس کی بھاری نفری تعینات کر کے کنٹینر لگا دیئے گئے ہیں ۔ شہر کے راستوں پر لگے کینٹینرز اور خاردار تاروں کے باعث شہر کسی مقبو ضہ علاقے کا منظر پیش کر رہا ہے۔

 اس تمام صورتحال میں شہریوں کوشدید مشکلات کا سامنا ہے، جبکہ مریض اوراُن کےاہلخانہ دہرے مصائب میں مبتلا ہوکر رہ گئے ہیں۔لاہور سمیت صوبے بھرمیں پیٹرول کی قلت اور سڑکیں بلاک کرنے کے خلاف پاکستان تحریک انصاف عدالت چلی گئی۔

لاہورہائیکورٹ میں دائردرخواست میں استدعا کی گئی ہے کہ حکومت کاعمل غیر آئینی اور بنیادی حقوق کی خلاف ورزی ہے،عدالت پیٹرول کی قلت ختم کرنے اورسڑکیں کھولنے کا حکم دے۔

Comments

comments

یہ بھی پڑھیں