The news is by your side.

Advertisement

لاہور: زندہ جلائے گئے شخص کی شناخت بابر نعمان کے نام سے ہوگئی

لاہور: زندہ جلائے گئے بابر نعمان کے اہلخانہ کا ڈی این اے سیمپل لے لیا گیا ہے، تصدیق کے بعد لاش اہلخانہ کو دے دی جائے گی۔

لاہور میں مشتعل ہجوم کے ہاتھوں زندہ جلائے گئے شخص کی شناخت بابر نعمان کے نام سے ہوگئی، سرگودھا کا رہائشی بابر نعمان پیٹ کی آگ بجھانے کے لئے لاہور آیا اور خود ہی آگ کا ایندھن بن گیا۔

بابر نعمان کےوالد کا کہنا ہے کہ اُنہیں انٹرنیٹ پر تصاویر دیکھ کر پتہ چلا کہ یہ ان کا بیٹا ہے، بابر نعمان کے والد حساس ادارے کے سابق ملازم ہیں جبکہ مقتول کا بھائی بھی حساس ادارے میں ملازمت کرتا ہے۔

یوحنا آباد میں آج صورتحال معمول پر آگئی ہے، علاقے میں کاروبار زندگی بحال ہے جبکہ پولیس اور سیکیورٹی اداروں کی اضافی نفری تعینات ہے ۔

یاد رہے کہ لاہور میں چرچ میں یکے بعد دیکگے دھماکے ہوئے جس کے نتیجے میں ۱۷ افراد جاں بحق ہوگئے تھے ، دھماکوں کے بعد مشتعل افراد نے دو افراد کو زندہ جلا دیا تھا، جس میں ایک کی شناخت محمد نعیم جبکہ دوسرے کی شناخت بابر نعمان کے نام سے ہوئی۔

Print Friendly, PDF & Email

Comments

comments

یہ بھی پڑھیں