site
stats
پاکستان

لاہور سمیت پنجاب کے مختلف علاقوں میں دھند کا راج

پنجاب: نیشنل ہائی وے پر لاہور سے ملتان تک شدید دھند کا راج ہے، جنوبی پنجاب میں شدید دُھند نے شہریوں کی مشکلات بڑھا دی ہیں، حدِ نگاہ صفر ہونے سے جھنگ میں خوشاب روڈ پر کارموٹر سائیکل تصادم میں ایک جاں بحق اور تین زخمی ہوگئے۔

نیشنل ہائی وے پر لاہور سے ملتان تک شدید دھند کا راج ہے، ترجمان نیشنل ہائی ویز کے مطابق دھند کا سلسلہ رات گئے شروع ہوا، جس نے صبح تک کئی علاقوں کو اپنی لپیٹ میں لے لیا اکثر مقامات پر حد نگاہ صفر تک پہنچ گئی ہے،حدِ نگاہ صفر ہونے کے باعث سڑکوں پر ٹریفک کی روانی متاثر ہے۔

دھند کے باعث جھنگ میں خوشاب روڈ پرموٹر سائیکل کار کی زد میں آگئی، تصادم کے نتیجے میں ایک شخص جان سے گیا جبکہ تین زخمی ہوگئے۔

دُھند سے پروازیں بھی شدید متاثرہوئی ہیں، جس سے اندرونِ ملک اوربیرونِ ملک جانے والوں کومشکلات کا سامنا ہے۔

نیشنل ہائی وے پر شدید دُھند سے حدِ نگاہ بہت کم رہ گئی ہے، ترجمان نیشنل ہائی ویزاتھارٹی نے شہریوں کوہدایت کی ہے کہ دُھند کے دوران غیر ضروری سفر سے اجتناب کریں اور مشکل صورتحال میں فوری طور پر ایک تین صفر پر رابطہ کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top