site
stats
پنجاب

لاہور: عدالتی حکم پرایس ایچ اوچنیوٹ گرفتار

لاہور: سلمان شہبازکی شوگرملزکے مینجر کے اہلخانہ کی بازیابی کیس کی سماعت میں عدالتی حکم پرایس ایچ او چنیوٹ کو حراست میں لےلیاگیا۔

ہائیکورٹ میں جسٹس مظہراقبال سدھو کی عدالت میں سلمان شہباز کی شوگر ملز کے مینجر محمد علی کی اہلیہ اوربیٹےکو پیش کیا گیا۔

آمنہ بی بی نے روتے ہوئے عدالت کوبتایا کہ پولیس نے چوبیس جنوری کو گھرمیں چھاپہ مارا، شوہرکے موجود نہ ہونے پرانہیں بچوں کواوربعد میں والدہ کو بھی حراست میں لےلیا۔

ہائی کورٹ نے پولیس گردی پرسخت برہمی کااظہارکرتے ہوئے ایس ایچ اوکو عدالتی حراست میں لینے کا حکم جاری کردیا۔ عدالت نے ریمارکس دیے کہ پنجاب میں کوئی ڈکیت نہیں پولیس خود ڈکیت ہے، آئی جی پنجاب بتائیں کیا ہم سب صوبہ چھوڑ کر چلے جائیں۔ پولیس ایسی زبان استعمال کرتی ہے جو دہرائی بھی نہیں جاسکتی۔

وکیل نے بتایا کہ محمد علی کے پاس رمضان شوگر ملز کی بہت سے بے قاعدگیوں اورفراڈ کا ریکارڈ موجود ہے سلمان شہباز کے ایماء پر پولیس نے محمد علی کے گھر اور سسرال چھاپہ مارا۔

عدالت نے ڈی پی او چنیوٹ کو مینجرمحمد علی کوپیش کرنے کاحکم دیتے ہوئے کیس کی سماعت انتیس جنوری تک ملتوی کردی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top