The news is by your side.

Advertisement

لاہور: میرشکیل کی طلبی کے سمن معطل کرنے کی استدعا مسترد

لاہور: لاہور ہائی کورٹ نے جیو جنگ کے مالک میر شکیل کی طلبی کے سمن معطل کرنے کی استدعا مسترد کردی ہے۔

لاہور ہائی کورٹ جسٹس اعجازالاحسن نے کیس کی سماعت کی، جیو جنگ کے وکیل نے عدالت کو بتایا کہ سیشن کورٹ نے اے آر وائی نیوز کے سینئر اینکر پرسن مبشر لقمان کی جانب سے فوجداری استغاثے میں سمن جاری کیے جبکہ میر شکیل کے وکلاء کو سمن سے پہلے دلائل کی اجازت نہیں ملی۔

عدالت نے قرار دیا کہ عدالتی نظائر موجود ہیں کہ سمن ہونے تک ملزم کو صفائی دینے کا حق نہیں، عدالت جب دیکھے کہ جرم بنتا ہےتب ہی طلب کرتی ہے، میر شکیل کو بطور ملزم بلایا گیا ہے، وہ سیشن عدالت میں دفاع کرتے ہوئے خود کو بے گناہ ثابت کریں۔

جیو کے وکلاء نے دلائل دیئے کہ میر شکیل بیرون ملک ہونے کی وجہ سے پیش نہیں ہوسکتے، جس پر جسٹس اعجاز نے کہا کہ عدالت تمام پہلووں کا جائزہ لینے کے بعد ہی سمن جاری کرتی ہے، آپ نے صرف خدشات کی بنیاد پر ہائی کورٹ سے رجوع کیا۔

جیوکے وکلا نے سمن معطل کرنے کی استدعا کی، جسےعدالت نے مسترد کر دیا اور جیو کے وکیل کو کیس کی تیاری کے لیے مہلت دیتے ہوئے سماعت غیر معینہ مدت تک ملتوی کردی۔

Print Friendly, PDF & Email

Comments

comments

یہ بھی پڑھیں