لاہور: تعلیمی بورڈ نے میٹرک کے سالانہ امتحان 2014 میں نمایاں پوزیشن ہولڈرز کے ناموں کا اعلان کردیا ، جس کے مطابق گورنمنٹ ہائی سکول حسین خان والا چک نمبر 8 پتوکی قصور کے اسامہ قادر نے 1076نمبر حاصل کر کے مجموعی طور پر پہلی پوزیشن حاصل کی۔
تعلیمی بورڈ آفس لاہور میں چئیرمین ڈاکٹر نصراللہ ورک نے پریس کانفرنس سے خطاب کرتے ہوئے پوزیشن ہولڈرز کے ناموں کا اعلان کیا ۔ انہون نے کہا کہ پاک گیریژں ہائی سکول ہاوسنگ کالونی ننکانہ صاحب کے علی حسینین اور ، کریسنٹ کڈز کیمپس سکول فار گرلز اقبال ٹاون لاہور کے شجیحہ اشرف 1072نمبر لے کر مجموعی طور پردوسری پوزیشن حاصل کی جبکہ سوسائٹی پبلک گرلز ہائی سکول مغلپورہ لاہور کی رمیشہ اسلم نے 1071نمبر لے کر تیسری پوزیشن حاصل کی۔
انہوں نے مزید کہا کہ امتحان میں نمایاں پوزیشن ہولڈرز کو جمعہ کی صبح ایک باوقار تقریب میں میڈلز اور نقد کیش ایوارڈز سے نوازا جائے گا۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
