لاہور: نبیہہ چوہدری کی پراسرار ہلاکت، ابتدائی پوسٹمارٹم رپورٹ تیار -
The news is by your side.

Advertisement

لاہور: نبیہہ چوہدری کی پراسرار ہلاکت، ابتدائی پوسٹمارٹم رپورٹ تیار

لاہور:  پبلک سروس کمیشن کی زیرِ تربیت سی ایس پی افسر نبیہہ چوہدری کی مبینہ ہلاکت کی ابتدائی پوسٹمارٹم رپوٹ تیار کرکے لاش کو ورثا کے حوالے کر دیا گیا ہے، ورثاء لاش کو لے کر لاہورایئرپورٹ سے کراچی پہنچے گے۔

لاہور میں جھلس کرہلاک نبیہہ چوہدری کی موت کا معما حل نہ ہوسکا، پوسٹ مارٹم کی ابتدائی رپورٹ کے مطابق نبیہا چودھری کے جسم کا نوے فیصد سے زیادہ حصہ جھلسا ہوا ہے، رپورٹ میں یہ بھی درج ہے کہ نبیہہ چوہدری کے جسم پر تشدد کے کوئی نشانات موجود نہیں۔

ڈاکٹرز کا کہنا ہے کہ موت کمرے میں لگنے والی آگ کا دھواں پھیپھٹروں میں بھرجانے کی وجہ سے ہوئی۔

پولیس حکا م کا کہنا ہے کہ نبیہہ نے خودکشی کی ہے، جس اہلخانہ نے ماننے سے انکار کر دیا۔

یہ خود کشی تھی یا قتل ، یہ سوال ایک چیلنج ہے جس کے حل کےلیے تفتیشی اداروں کے پاس نبیہہ کی ڈائری میں درج مبینہ تحریر ہے، جو تجزیے کےلیے فرانزک لیبارٹری بھجوادی گئی ہے۔

Comments

comments

یہ بھی پڑھیں