لاہور: جشن آزادی کے سلسلے میں واہگہ بارڈر پر پروقار تقریب کا اہمتمام کیا گیا ۔ پاکستان کے رینجرز کے بہادر سپوتوں نے ملی جذبوں کو گرما دیا۔
لاہور میں واہگہ بارڈر پر پرچم کشائی پر وقار تقریب ہوئی ، سبز ہلالی لہراتا پرچم اور ملی نغموں کی صدا فضا میں گونجی تو سحر طاری ہوگیا، بچے بڑے ، بزرگ اور خواتین کی بڑی تعداد اظہار یکجہتی کے لئے جمع ہوئی ۔
تقریب میں جوش و خروش اپنے عروج پر تھا، پاکستان رینجرز کے بہادر سپوتوں نے جوش و جذبے سے وطن عزیز سے محبت کا اظہار کیا تو فضا پاکستان زندہ باد کے نعروں اور جیوے جیوے پاکستان کی آواز سے گونج اٹھی۔
