site
stats
پاکستان

لاہور ہائیکورٹ : اسمبلیاں تحلیل کرانے کیلئے درخواست،حکومت سے جواب طلب

لاہور : لاہور ہائیکورٹ نےاسمبلیاں تحلیل کرنےکے لیے درخواست پرحکومت، الیکشن کمیشن اور رانا ثناء اللہ سمیت فریقین سے نومبر کے دوسرے ہفتے میں جواب طلب کرلیا.
گزشتہ روز درخواست پاکستان عوامی تحریک پنجاب کے نائب صدر خان عبدالقیوم خان کی جانب سے دائر کی گئی تھی، جس میں موقف اختیار کیا گیا تھا کہ تمام اراکین اسمبلی کسی نہ کسی صورت میں کرپشن میں ملوث پائے جاتے ہیں ۔

موقف میں کہا گیا تھا کہ رانا ثنااللہ نے بیان دیا تھا کہ تمام اراکین اسمبلی ترقیاتی منصوبوں میں دس فیصد کمیشن حاصل کرتے ہیں جس کے بعد ثابت ہوگیا کہ اراکین پارلیمنٹ آرٹیکل باسٹھ اور تریسٹھ پر پورا نہیں اترتے لہذا عدالت تمام اراکین اسمبلی کو نااہل قرار دیتے ہوئے اسملبیاں تحلیل کرنے کا حکم دے۔

آئین ِ پاکستان کے آرٹیکل 62 اور 63 کے تحت برے کردار، اسلامی تعلیمات کے مخالف، فاسق، بے ایمان یا سزا یافتہ شخص پارلیمنٹ کا رکن بننے یا چنے جانے کا اہل نہیں ہوسکتا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top