site
stats
پاکستان

لاہور ہائیکورٹ: وزیراعظم کیخلاف دائر اپیل کا فیصلہ محفوظ

لاہور: ہائیکورٹ نے وزیر اعظم کے خلاف آئین کے آرٹیکل چھ کے تحت کاروائی کے لئے دائر انٹرا کورٹ اپیل کے قابل سماعت ہونے سے متعلق فیصلہ محفوظ کرلیا۔

جسٹس امین الدین خان کی سربراہی میں دو رکنی بنچ نے انٹرا کورٹ اپیل کی سماعت کی، درخواست گزار سید اقتدار حیدر نے موقف اختیار کیا کہ وزیر اعظم میاں نواز شریف نے اپنی بیٹی مریم نواز کو میرٹ کے برعکس یوتھ لون سکیم کی چئیرپرسن کے عہدے پر تعینات کیا،عدالتی حکم پر مریم نواز کو یہ عہدہ چھوڑنا پڑا۔

انہوں نے عدالت کو آگاہ کیا کہ مریم نواز کا شناختی کارڈ پر نام مریم صفدر ہے جبکہ یوتھ لون سکیم کی چئیر پرسن کے عہدے کے لئے غلط طور پر مریم نواز کا نوٹیفیکیشن جاری کیا گیا۔

انہوں نے کہا کہ وزیر اعظم نے اپنے عہدے کا غلط استعمال کرتے ہوئے حلف کی پاسداری نہیں کی لہذا وزیر اعظم میاں نواز شریف کے خلاف آئین کے آرٹیکل چھ کے تحت کاروائی عمل میں لائی جائے۔

عدالت نے درخواست گزار کے ابتدائی دلائل مکمل ہونے کے بعد اپیل کے قابل سماعت ہونے یا نہ ہونے پر فیصلہ محفوظ کرلیا ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top