لاہور: ہائی کورٹ نے الیکشن 2013 میں دھاندلی کی تحقیقات کے لئے تشکیل دئیے گئے جوڈیشل کمیشن کو کام سے روکنے کی درخواست کو رد کردیا ہے۔
جسٹس عائشہ اے ملک پر مشتمل لاہورہائی کورٹ کے ایک رکنی بنچ نے درخواست کی سماعت کی ہے۔
- Advertisement -
درخواست گزار نے عدالت سے استدعا کی تھی کہ صرف الیکشن ٹریبیونل ہی دھاندلی کے مقدمات کی سماعت کرسکتا ہے۔
درخواست میں مزید کہا گیا کہ صدارتی حکم سے تشکیل پانے والا جوڈیشل کمیشن آئین سے مطابقت نہیں رکھتا لہذا عدالت آردیننس کو کالعدم قراردے اور کمیشن کو کام کرنے سے روکے جب تک عدالت میں اس مقدمے کا فیصلہ نا ہوجائے۔
عدالت نے درخواست گزار کی فوری کام روکنے کی استدعا کو مسترد کرتے ہوئے حکومت اور مقدمے کے دیگر فریقوں کو انتیس اپریل کو جواب داخل کرانے کا حکم دیا۔
