The news is by your side.

Advertisement

لاہور ہائی کورٹ : پھانسی کے قیدی کی سزائے موت کیخلاف اپیل مسترد

لاہور: لاہور ہائی کورٹ نے پھانسی کے قیدی کی سزائے موت کے خلاف اپیل مسترد کر دی ہے۔

ہائی کورٹ کے دو رکنی بنچ نے عمران نامی قیدی کی جانب سے اپیل کی سماعت کی۔ درخواست گزار کے وکیل نے عدالت کو بتایا کہ ماتحت عدالت نے ناکافی شواہد کے باوجود پھانسی کی سزا دی جسے کالعدم قرار دیا جائے ۔

عدالت نے وکلاء کے دلائل سننے کے بعد اپیل مسترد کرتے ہوئے ماتحت عدالت کی جانب سے دی گئی پھانسی کی سزا برقرار رکھی۔

عمران نامی شخص کو 2010 میں دو افراد کے قتل کے الزام میں گوجرانوالہ کی انسدادِ دہشت گردی عدالت نے پھانسی کی سزا سنائی تھی۔

واضح رہے کہ سانحہ پشاور کے بعد وزیر اعظم نواز شریف کی جانب سے دہشتگردوں کی سزائے موت پر عملدرآمد کے اعلان کے بعد ملک میں سزائے موت کے منتظر قیدیوں کو تختہ دار پر لٹکانے کا سلسلہ جاری ہے۔

حالیہ دنوں میں سزائے موت پانے والے مجرمان کی تعداد20ہوگئی ہے۔

Print Friendly, PDF & Email

Comments

comments

یہ بھی پڑھیں