لاہور : یوحنا آباد میں 2 افراد کو زندہ جلانے والے مزید 4 ملزم گرفتار -
The news is by your side.

Advertisement

لاہور : یوحنا آباد میں 2 افراد کو زندہ جلانے والے مزید 4 ملزم گرفتار

لاہور: یوحنا آباد میں دو افراد کو جلانے والے مزید چار ملزم گرفتار کر لئے گئے ہیں ۔

یوحنا آباد لاہور میں دو افراد کو زندہ جلانے والے مزید چار افراد کو گرفتار کر لیا گیا ہے، ان ملزمان کو سی سی ٹی وی فوٹیج کی مدد سے گرفتار کیا گیا۔

سی آئی اے پولیس کے مطابق گرفتار کئے جانے والے ملزمان میں اسلم، الیاس عرفان اور وارث شامل ہیں، جن پر الزام ہے کہ انہوں نے یوحنا آباد چر چ دھماکوں کے بعد نعمان بابر اور حافظ محمد نعیم کو شدید تشدد کا نشانہ بناکر زندہ جلا دیا تھا۔

اس سے قبل بھی پولیس دو سگے بھائیوں کو سیالکوٹ اور گوجرانوالہ سے گرفتار کرچکی ہے۔

یاد رہے کہ دو روز قبل پولیس نے بلوا اور توڑ پھوڑ کرنے کے الزام میں اٹھائیس افراد کو گرفتار کیا تھا۔

گزشتہ روز انسدادِ دہشتگردی کی خصوصی عدالت نے سانحہ یوحنا آباد کےاٹھائیس ملزمان کو چودہ روزہ جوڈیشل ریمانڈ پر جیل بھجوا دیا تھا۔

پولیس کی جانب سے عدالت میں ملزمان کو سخت سیکورٹی میں پیش کیا گیا ، پولیس نے عدالت کو بتایا کہ سولہ ملزمان دو افراد کو زندہ جلانے اور بارہ ملزمان ہنگامہ آرائی اور توڑ پھوڑ کے الزام میں گرفتار کئے گئے ہیں، ابھی ان کی شناخت پریڈ ہونا باقی ہے لہذا انہیں جیل بھجوایا جائے۔

عدالت نے پولیس کی استدعا پر تمام ملزمان کو چودہ روزہ جوڈیشل ریمانڈ پر جیل بجھوا دیا اور حکم دیا کہ شناخت پریڈ کے بعد ملزمان کو تیرہ اپریل کو دوبارہ پیش کیا جائے۔

واضح رہے کہ لاہور میں دو چرچوں پر یکے بعد دیگرے دھماکوں کے نتیجے میں 21 افراد جاں بحق ہوئے تھے جبکہ دھماکوں کے بعد مشتعل افراد نے دو افراد کو زندہ جلادیا تھا، جن کی شناخت بابر نعمان اور محمد نعیم کے نام سے ہوئی تھی۔

Comments

comments

یہ بھی پڑھیں