The news is by your side.

Advertisement

لندن:اے ٹی پی ورلڈ ٹور فائنلز ٹینس ٹورنامنٹ کا آغاز

لندن: اے ٹی پی ورلڈ ٹور فائنلز ٹینس ٹورنامنٹ کا آغاز ہوگیا ہے، سوئٹزرلینڈ کے راجر فیڈرر اور جاپان کے کی نیشکوری نے ابتدائی روز اپنے اپنے میچز جیت لئے۔

لندن کے او ٹو ارینا میں دنیا کے آٹھ بہترین کھلاڑی ایکشن میں ہیں، پہلے روز جاپان کے کی نیشکوری نے ہوم فیورٹ برطانیہ کے اینڈی مرے کو اپ سیٹ کردیا، نیشکوری نے عمدہ کھیل کا مظاہرہ کرتے ہوئے حریف کھلاڑی کو اسٹریٹ سیٹس میں شکست دی۔ جاپانی کھلاڑی کی فتح کا اسکور چھ چار اور چھ چار رہا۔

ایک اور میچ میں عالمی نمبر دو سوئٹزرلینڈ کے راجر فیڈرر نے کینیڈا کے میلاس راؤنچ کو ایک گھنٹہ انتیس منٹ میں قابو کرلیا ہے، سوئس کھلاڑی نے پہلا سیٹ باآسانی چھ صفر سے جیت کر برتری حاصل کی۔

 دوسرے سیٹ میں راؤنچ نے کچھ مزاحمت کی لیکن ٹائی بریک پر فیڈرر نے سات چھ سے کامیابی حاصل کرلی ہے۔

Print Friendly, PDF & Email

Comments

comments

یہ بھی پڑھیں