The news is by your side.

Advertisement

لندن:وزیرِاعظم کی رہائش گاہ کے باہر پی ٹی آئی کا گونواز گو مظاہرہ

لندن :وزیرِاعظم نواز شریف کی رہائش گاہ کے باہر پاکستان تحریکِ انصاف کے کارکنوں نے احتجاج کے دوران گو نواز گو کے نعرے لگائے، لاہور میں ایک دوستانہ فٹبال میچ میں میدان گو نواز گو کے نعروں سے گونجتا رہا۔

لندن سے لے کر لاہورتک آج کل ہرطرف ایک ہی نعرہ سنائی دے رہا ہے، گو نواز گو، لندن میں وزیرِاعظم نوازشریف کی رہائش گاہ کے باہر تحریکِ انصاف کے کارکنوں نے مظاہرہ کیا اور گو نواز گو کے نعرے لگائے۔

مظاہرے میں مانچسٹر، شیفلڈ اوربرمنگھم سے بھی کارکنان نے شرکت کی، مظاہرین نے پلے کارڈ اٹھا رکھے تھے جن پر گو نواز گو اور حکومت کے خلاف نعرے درج تھے۔

دوسری جانب لاہور میں پاکستان اور فلسطین کے دوستانہ میچ کے دوران شائقین کی بڑی تعداد گو نواز گو کے نعرے لگاتی رہی، اس سے قبل ہاکی اور کرکٹ کے مقابلوں میں بھی گو نواز گو کے نعرے لگ چکے ہیں۔

Print Friendly, PDF & Email

Comments

comments

یہ بھی پڑھیں