لندن: آرمی چیف کے اعزاز میں پاکستانی ہائی کمیشن میں عشائیہ -
The news is by your side.

Advertisement

لندن: آرمی چیف کے اعزاز میں پاکستانی ہائی کمیشن میں عشائیہ

لندن : آرمی چیف جنرل راحیل شریف نے کہا ہے کہ دہشت گردی کے خاتمے کیلئے سیاسی وعسکری قیادت متحد ہے، پاکستان جلد تمام مسائل پر قابو پالے گا۔

لندن میں آرمی چیف جنرل راحیل شریف کےاعزاز میں پاکستانی ہائی کمیشن میں عشائیہ دیا گیا، عشائیے میں برطانوی اور پاکستانی کمیونٹی نے شرکت کی ۔

اس موقع پر آرمی چیف کا کہنا تھا کہ پوری سیاسی اور عسکری قیادت دہشت گردی کے خاتمےکیلئے متحد ہے۔

اس سے قبل آرمی چیف نے ملٹری اکیڈمی سینڈہرٹ اور رائل کالج آف ڈیفنس اسڈیز کا بھی دورہ کیا، ملٹری اکیڈمی کے کمانڈر نے آرمی چیف جنرل راحیل شریف کا استقبال کیا۔

ڈی جی آئی ایس پی آر کے مطابق آرمی چیف نے ملٹری اکیڈمی میں زیرِتربیت پاکستانی کیڈٹس سے مخاطب کرتے ہوئے کہا کہ وہ دوران تربیت اعلیٰ معیار کا مظاہرہ کریں اور پاکستان کا نام روشن کریں۔

واضح رہے کہ پاک فوج کے سربراہ جنرل راحیل شریف تین روزہ دورہ پر برطانیہ میں ہیں، دورہ کے دوران آرمی چیف جنرل راحیل شریف کی لندن میں وزیراعظم ڈیوڈ کیمرون دیگر حکام سے ملاقات ہوئی، جس میں دہشتگردی کےخلاف دونوں ملکوں کے تعاون اورانٹیلی جنس معلومات کے تبادلے پربات چیت ہوئی جبکہ آرمی چیف نے شمالی وزیرستان میں جاری آپریشن ضرب عضب سے آگاہ کیا۔

آئی ایس پی آر کے مطابق دونوں ملکوں میں کلعدم تنظیموں کے خلاف کاروائی اور دہشتگردوں کی بیرون ملک فنڈنگ روکنے پر بھی تبادلہ خیال کیا گیا ۔

ذرائع کے مطابق ملاقاتوں کے دوران خطے کی سلامتی سمیت افغانستان کی صورتحال پر بات چیت کی گئی جبکہ برطانیہ نے دہشت گردی کے خلاف جنگ میں پاکستانی مسلح افواج کے کردار کی تعریف کی۔

Comments

comments

یہ بھی پڑھیں