لندن : پی ٹی آئی کا الطاف حسین کیخلاف ٹین ڈاؤننگ اسٹریٹ کے باہر مظاہرہ -
The news is by your side.

Advertisement

لندن : پی ٹی آئی کا الطاف حسین کیخلاف ٹین ڈاؤننگ اسٹریٹ کے باہر مظاہرہ

لندن : پاکستانی سیاسی جماعتوں کا احتجاج کلچر لندن بھی پہنچ گیا، پی ٹی آئی نے ایم کیو ایم کے خلاف لند ن میں وزیر اعظم برطانیہ کی رہائش گاہ کے سامنے دوسرے روز بھی مظاہرہ کیا۔

تفصیلات کے مطابق لندن میں پی ٹی آئی کے کارکنان برطانیہ کے وزیر اعظم کی سرکاری رہائش گاہ ٹین ڈاؤننگ اسٹریٹ کے باہر جمع ہوئے۔ انہوں نے ایم کیو ایم کے قائد الطاف حسین کے خلاف احتجاج کیا ۔

پی ٹی آئی کے مظاہرے کی قیادت پی ٹی آئی کراچی کے رہنما فیصل واوڈا کر رہے تھے۔ پی ٹی آئی کے کارکنان نے الطاف حسین کے خلاف نعرے بازی بھی کی ۔

اس موقع پر پی ٹی آئی کے کارکنان کا کہنا تھا کہ الطاف حسین پاکستان میں ٹارگٹ کلنگ اور دیگر مقدمات میں مطلوب ہیں۔ الطاف حسین کراچی میں بندوق کی سیاست کرتے تھے اب ناکام ہو گئے ہیں اب بندوق کی سیاست بھی ختم ہونی چاہیئے۔

واضح رہے کہ گزشتہ ہفتے کے روز بھی پی ٹی آئی کے کارکنان نے لندن میں متحدہ قومی موومنٹ کے انٹرنیشنل سیکریٹیریٹ کے باہر الطاف حسین کے خلاف احتجاج کیا تھا۔

Comments

comments

یہ بھی پڑھیں