site
stats
اہم ترین

لورالائی: چوکی پرحملہ، 5پولیس اہلکار جاں بحق

کوئٹہ: بلوچستان کے ضلع لورالائی میں دہشتگردوں نے چیک پوسٹ اور گاڑی پر حملہ کردیا، جس میں پانچ پولیس اہلکار جاں بحق  اور ایک زخمی  ہوگیا۔

سیکرٹری داخلہ اکبر حسین درانی کے مطابق نامعلوم مسلح افراد نے چیچلو چیک پوسٹ پر حملہ کیا تاہم اس میں کوئی نقصان نہیں ہوا، مسلح افراد نے اس دوران لورالائی میں میختر کے قریب چیک پوسٹ پر بارکھان جانے والی پولیس وین پردہشت گردوں نے حملہ کردیا، جس کے نتیجے میں  پانچ پولیس اہلکار جاں بحق جبکہ ایک زخمی ہوگیا۔

 سیکرٹری داخلہ کے مطابق ڈسٹرکٹ پولیس آفیسر اور ڈپٹی کمشنرلورالائی کی سربراہی میں مزید فورسز جائے وقوعہ پر پہنچ گئی ہیں اور دہشتگردوں کی گرفتاری کے لئے علاقے میں سرچ آپریشن کیا جارہی ہے۔

وزیرِ داخلہ بلوچستان سرفراز بگٹی نے واقعہ کی شدید مذمت کرتے ہوئے واقعہ میں پانچ پولیس اہلکاروں کی شہادت کی تصدیق کی اور کہا کہ دہشتگردوں کےحملے کو ریاست پرحملہ تصورکیا جائے گا، حملےمیں ملوث عناصرکےخلاف بھرپورکارروائی کی جائےگی۔

سرفراز بگٹی کا کہنا تھا کہ قوم فیصلہ کر چکی ملک کو دہشت گردی کی لعنت سے پاک کرنا ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top