site
stats
پاکستان

لوڈ شیڈنگ کے سبب کراچی کو پانی کی سپلائی معطل

کراچی: لوڈ شیڈنگ کے سبب شہرکو پانی کی سپلائی مکمل طور پر تعطل کا شکارہوگئی ہے جس سے شہریوں کو شدید مشکلات کا سامنا ہے۔

تفصیلات کے مطابق لوڈ شیڈنگ کے سبب کراچی کو 20 کروڑ گیلن پانی کی سپلائی نہیں کی جاسکی۔

واٹربورڈ کے ترجمان کا کہنا ہے کہ ان کے ادارے کی تنصیبات پرلوڈ شییڈنگ کی جارہی ہے۔

ترجمان نے یہ بھی بتایا کہ بجلی کی عدم دستیابی کے سبب شہر کو پانی کی سپلائی ممکن نہیں ہے جس کے سبب شہر میں پانی کی شدید قلت پیش آسکتی ہے۔

پانی کی سپلائی پربندش سے کراچی کے شہریوں کو رمضان کے ماہ المبارک میں شدید مشکلات درپیش ہیں۔

واضح رہے کہ کے الیکٹرک گزشتہ ایک ہفتے میں تین بار لائن ٹرپ ہونے کا بہانہ بنا کرشہر کے بیشتر علاقوں میں طویل لوڈشیڈنگ کرچکے ہیں اور ابھی بھی شہر کے کئی علاقوں میں بجلی کی فراہمی منقطع ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top