لوگ عمران خان کو سیاست کے قابل نہیں چھوڑیں گے، جاوید ہاشمی -
The news is by your side.

Advertisement

لوگ عمران خان کو سیاست کے قابل نہیں چھوڑیں گے، جاوید ہاشمی

ملتان : بزرگ سیاستدان جاوید ہاشمی کا کہنا ہے کہ عمران خان بہتر ہے کرکٹ کے معاملات کو بہتربنانے پر توجہ دیں کیونکہ ان کے اردگرد کے لوگ انہیں سیاست کے قابل نہیں چھوڑیں گے۔

ملتان میں اپنی رہائش گاہ پر پریس کانفرنس کرتے ہوئے ان کا کہنا تھا کہ کرکٹ ٹیم کی کارکردگی سے سخت مایوسی ہوئی ہے، سمجھ نہیں اآتی کی معین خان کو کسینو جانے کی ضرورت کیوں پیش آئی؟

کسینو میں جوئے کے علاوہ اور بھی بہت کچھ ہوتا ہے ان کا کہنا تھا کہ جب کرکٹ ٹیم ہارتی ہے تو ہمارا تو ڈوب مرجانے کو دل چاہتا ہے لیکن یہ انجوائے کرنے چلے جاتے ہیں۔

انہوں نے کہا کہ نجم سیٹھی کو کرکٹ کے معاملات میں نہیں پڑنا چاہیئے تھا جاوید ہاشمی نے کہا کہ پی ٹی آئی کے کسی ایم این اے نے ابھی تک اپنا کمرہ نہیں چھوڑا ہے اور فنڈز بھی لے رہے ہیں ۔

انہوں نے کہا کہ میں عمران خان کا بہت احترام کرتا ہوں‌،لیکن لوگوں نے انہیں مشکلات میں ڈال دیا ہے، انہوں نے کہا کہ سیاست کے اس موڑ پر نہ میں کسی کا رقیب ہوں اور نہ ہی حبیب ۔

جاوید ہاشمی کا کہنا تھا کہ مخدوم رشید کی اراضی زرعی یونیورسٹی کو مل گئی ہے جس پر میاں شہباز شریف کا بہت شکر گزار ہوں اب یہاں بہت جلد یونیورسٹی بن جائے گی۔

Comments

comments

یہ بھی پڑھیں