site
stats
پاکستان

لکھوی کی رہائی، ہائیکورٹ کے فیصلے کیخلاف سپریم کورٹ میں اپیل دائر

اسلام آباد: ممبئی حملہ کیس میں ملوث ملزم ذکی الرحمن لکھوی کی رہائی کے لیے اسلام آباد ہائیکورٹ کے فیصلے کے خلاف سپریم کورٹ میں اپیل دائر کر دی گئی ہے۔

ملزم ذکی الرحمن لکھوی کی رہائی کے فیصلے کے خلاف اپیل وزارتِ داخلہ کی جانب سے دائر کی گئی ہے، اپیل میں وزراتِ داخلہ کیجانب سے مؤقف اختیار کیا گیا ہے کہ اسلام آباد ہائیکورٹ نے انکا مؤقف سنے بغیر رہائی کا فیصلہ کیا۔

وزارتِ داخلہ کا کہنا ہے کہ ہائیکورٹ کو اس فیصلےکا اختیار حاصل نہیں، ہائیکورٹ کا فیصلہ کالعدم قرار دیا جائے۔

گزشتہ سماعت میں ملزم ذکی الرحمن لکھوی کو دو روزہ جسمانی ریمانڈ پر پولیس کے حوالے کر دیا گیا تھا۔

ملزم ذکی الرحمن لکھوی پر مزید دو مقدمات قائم کرکے سول عدالت میں پیش کیا تھا، جس کے بعد پولیس نے عدالت سے ملزم ذکی الرحمن کے پانچ روزہ جسمانی ریمانڈ کے لیے استدعا کی تھی۔

ملزم کے وکیل نے اپنے دلائل میں کہا کہ بھارتی دباؤ پر ذکی الرحمان لکھوی کو اغواء کے مقدمے میں ملوث کیا گیا، وکیل کا کہنا تھا کہ ہمیں بتایا گیا کہ وزارتِ داخلہ کی اجازت کے بٖغیر ذکی الرحمان کو رہا نہیں کر سکتے۔وکیل نے بتایا کہ رہائی کاحکمنامہ جاری ہونیکے باوجود ذکی الرحمان کو رات کو ہی پولیس کے حوالے کر دیا گیا تھا۔

اس سے قبل اسلام آباد ہائیکورٹ کے جسٹس نور الحق نے ذکی الرحمن کی درخواست پر فیصلہ سناتے ہوئے نظر بندی کا نوٹی فکیشن معطل کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top