The news is by your side.

Advertisement

لہسن کا استعمال پھیپھڑوں کے امراض میں مفید ہے

ایڈینبرا: لہسن غذا کے ساتھ ساتھ دوا بھی ہے ، پھیپھٹروں کے امراض میں مبتلاافراد کے لیے لہسن کا استعمال مددگار ثابت ہوتا ہے۔

   یونیورسٹی آف ایڈینبرا میں ہونے والے والی تحقیق کے مطابق لہسن پھیپھڑوں میں پیدا ہونے والے خطرناک بیکٹیریا کو ختم کرنے کی صلاحیت رکھتا ہے۔

تحقیق کے مطابق لہسن میں قدرتی طور پر ایک جز الیسن پایا جاتا ہے، جو پھیپھڑوں کے امراض میں مبتلا کرنے والے خطرناک بیکٹیریا کو ختم کرتے ہوئے پھیپھڑوں کو صاف کرتا ہے، تحقیق کار کا کہنا ہے کہ لہسن کو پیس کر یا چبا کر بھی استعمال کرنے سے یہ کیمیکل نکلتاہے اور بیکٹیریا کو ختم کرتا ہے لہذالہسن کاآزادانہ استعمال ہمارے لئے بہت ہی مفید ثابت ہوتا ہے۔

طبی ماہرین نے یہ انکشاف بھی کیا ہے کہ لہسن کا باقاعدہ استعمال کینسر اور جلدی امراض سے بچاتا ہے۔ جبکہ اس سے جسم کی قوت مدافعت بھی بڑھتی ہے ۔

برطانوی طبی ماہرین نے اپنی تازہ تحقیق میں کہا ہے کہ لہسن میں موجود سلفر کے اجزاء جسم کی قوت مدافعت کو بڑھاتے ہیں جبکہ متعدد وبائی امراض کو روکنے میں بھی معاون ثابت ہوتے ہیں، تحقیق میں مزید کہاگیا ہے کہ لہسن کے خون کو صاف کرنے کا کام بھی کرتا ہے ۔

لہسن صرف ہمارے کھانے کے ذائقہ کو ہی نہیں بڑھاتا ہے بلکہ ہمارے جسم کو بھی کئی بیماریوں سے نجات دلانے میں مدد کرتا ہے. لہسن میں کچھ ایسی اینٹی بیکٹیریل عنصر پائے جاتے ہیں جو ہمارے جسم کو بیکٹیریل انفیکشن ہونے سے بچانے میں مدد گار ثابت ہوتے ہیں، لہسن جسم میں موجود خون کو پتلا کرنے میں مدد کرتا ہے اور جسم میں خون کے كلٹس بھی نہیں بننے دیتا۔

اس کے علاوہ، لہسن کا استعمال کرنے سے جوڑوں کے درد سے تو راحت ملتی ہی ہے، اس کے ساتھ ہی جلد میں چمک آ جاتی ہے. لہسن ہمارے دل کو بھی محفوظ رکھتا ہے جس سے ہارٹ اٹیک جیسی بیماری کا خطرہ بھی کم ہوتا ہے۔

Print Friendly, PDF & Email

Comments

comments

یہ بھی پڑھیں