site
stats
Uncategorized

لیاری: مبینہ پولیس مقابلے، گینگ وار کے 5کارندے ہلاک، 2ڈاکو گرفتار

کراچی: لیاری میں دومبینہ پولیس مقابلوں میں گینگ وار کے پانچ ملزمان ہلاک کر دیئے گئے ہیں، کورنگی ملیر ندی کے قریب سے دو ڈاکو زخمی حالت میں گرفتار کرکے اسلحہ برآمد کر لیا گیا ہے۔

پولیس کے مطابق لیاری کے علاقے بغدادی اور موچکو میں پولیس گینگ وار کے ملزمان کی موجودگی کی اطلاع پر پہنچی تو ملزمان نے پولیس ٹیم پر فائرنگ کردی، جس کے بعد پولیس کی جوابی کارروائی میں لیاری گینگ وار سے تعلق رکھنے والے پانچ ملزمان ہلاک ہوگئے۔

پولیس کے مطابق ہلاک ملزمان میں سے دو کا تعلق عزیر بلوچ اور تین ملزمان شیراز کامریڈ گروپ سے تعلق رکھتے ہیں۔

ایس ایس پی کے مطابق ملزمان قتل اور بھتہ خوری سمیت جرائم کی سنگین وارداتوں میں ملوث تھے اور ان کے قبضے سے اسلحہ بھی برآمد کیا گیا ہے۔

دوسری جانب کورنگی انڈسٹریل ایریا پولیس نے اطلاع ملنے پر ملیر ندی کے قریب کارروائی کرتے ہوئے دو ملزمان کو زخمی حالت میں گرفتار کر لیا گیا ہے۔

پولیس نے مسروقہ سامان اور اسلحہ بر آمد کرتے ہوئے ملزمان کے خلاف رپورٹ درج کرکے تفتیش کا آغاز کر دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top