کراچی: لیاری میں دو گروہوں میں تصادم کے نتیجے میں تین افراد ہلاک جبکہ ایک زخمی ہوگیا ہے۔
تفصیلات کے مطابق لیاری کے علاقے ریکسرلائن میں گینگ وار سے تعلق رکھنے والے دو گروہوں میں تصادم ہوا، تصادم کے نتیجے میں گینگ وار کےتین ملزمان ہلاک ہوئے ہیں اورایک شدید زخمی ہوا ہے۔
ذرائع کے مطابق جھڑپ کے دوران دونوں گروہوں کی جانب سے بھاری ہتھیاروں کا استعمال کیا جس کے باعث علاقے میں خوف و ہراس پھیل گیا۔
گینگ وار کے دوران مسلح گروہوں کی جانب سےعموماً بھاری ہتھیاروں کا استعمال کیا جاتا ہے جس میں اعوان بم بھی شامل ہیں جس کے باعث لیاری میں اکثرکشیدگی اوربدامنی کا ماحول رہتا ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
