The news is by your side.

Advertisement

لیاری گینگ وار کااہم کردار بابا لاڈلہ بلوچستان میں مارا گیا

کراچی: لیاری گینگ وار کے سرغنہ بابا لاڈلہ کی بلوچستان میں مارے جانے کی اطلاعات، بابا لاڈلہ کی مبینہ ویڈیو بھی منظر عام پر آگئی۔

لیاری گینگ وار کا اہم کمانڈرنور محمد عرف بابا لاڈلہ کے ایک بار پھر بلوچستان کے باڈر کے قریب مارے جانے کی اطلاعات ہیں،اور اسی حوالے سے بابا لاڈلہ کی مبینہ ویڈیو بھی منظر عام پر آئی ہے۔

 جس میں مبینہ بابالاڈلہ کی پوسٹ مارٹم کی ویڈیو دیکھی جاسکتی ہے،اس سے پہلے بھی بابا لاڈلہ کے بلوچستان میں مارے جانے کی اطلاعات سامنے آچکی ہیں لیکن سرکاری زرائع ابھی تک اس حوالے سے تصدیق نہیں کررہے۔

بابا لاڈلہ کراچی میں بم دھماکوں، قتل، اغوا برائے تاون، بھتہ خوری اور دیگر سنگین جرائم کی وارداتوں میں پولیس کو مطلوب ہے اور حکومت نے اس کے سر کی قیمت بھی پچیس لاکھ روپے مقرر کررکھی ہے، واضح رہے کہ لیاری میں پولیس اور رینجرز کے آپریشن کے آغاز کے ساتھ ہی بابا لاڈلہ فرار ہوگیا تھا۔

Comments

comments

یہ بھی پڑھیں