لیبیا میں پھنسے 260 پاکستانی آج صبح وطن واپس پہنچ گئے -
The news is by your side.

Advertisement

لیبیا میں پھنسے 260 پاکستانی آج صبح وطن واپس پہنچ گئے

اسلام آباد: لیبیا میں پھنسے دو سو ساٹھ پاکستانی خصوصی طیارے سے آج صبح وطن واپس پہنچ گئے۔

دفتر خارجہ کے مطابق لیبیا کے دارلحکومت ٹریپولی سے دو سو ساٹھ پاکستانی لاہور پہنچ گئے، قومی فضائی کمپنی تیرہ اگست سے لیبیا میں پھنسے پاکستانیوں کو وطن واپس لانے کے لیے خصوصی پروازیں آپریٹ کررہی ہے۔

دفتر خارجہ کا کہنا ہے کہ پندرہ سو پاکستانی اب بھی ٹریپولی میں پاکستانی سفارت خانے میں پھنسے ہیں،ان پاکستانیوں کو لانے کے لیے اضافی طیارے آئندہ ہفتے روانہ کیے جائیں گے۔ لیبیا میں تقریبا اٹھارہ ہزار پاکستانی تھے جن میں سے ستائیس سو کو مختلف طریقوں سے پاکستان واپس لایا جاچکا ہے جبکہ مزید دو ہزار پاکستانیوں کو حکومتی اخراجات پر وطن واپس لانے کا عمل جاری رکھا جائے گا۔

Comments

comments

یہ بھی پڑھیں