site
stats
بزنس

مائیکروفنانس بنک آئندہ سال قائم کیا جائے گا، سید مُرادعلی شاہ

کراچی: صوبائی وزیر خزانہ سندھ سید مراد علی شاہ نے کہا ہے کہ ملک میں چھوٹے قرضہ جات کی فراہمی کی ضروریات بڑھ رہی ہیں اور قرضہ جات کی فراہمی کرنے والے اداروں کو اس خلہ کا پرکرنا ہے سندھ حکومت آئندہ ایک سال میں مائیکروفنانس بنک کا قیام عمل میں لے آئے گی۔

کراچی میں مائیکرو فنانس فورم سے خطاب کرتے ہوئے صوبائی وزیر خزانہ کا کہنا تھا کہ دہی علاقوں میں چھوٹے قرضہ جات کی فراہمی کا جال نہیں پھیل سکا۔

حکومت نجی شعبہ کے ذریعے چھوٹے کاروبار کرنے والوں کو قرضہ کی فراہمی کو پروان چڑھانا چاہتی ہے، تھر کے متاثرہ علاقوں میں امداد کے حوالے سے ان کا کہنا تھا کہ صوبائی وزیر صحت جام مہتاب کی سربراہی میں حکومتی ٹیم علاقوں میں طبی امداد اور خوراک کی فراہمی کیلئے دورے پر ہے اور ہر ممکن امداد کرر ہی ہے۔

تھر میں توانائی کے شعبوں میں کوئلے کی فراہمی کیلئے بھی اینگرو کے ساتھ کام جاری ہے، اس موقع پر تعمیر بینک کے سی ای او ندیم حسین کا کہنا تھا کہ دیہی علاقوں میں مائیکرو فنانسنگ کو گراس روٹ لیول تک لے جانے کی ضرورت ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top