ماڈل اور ڈرامہ اداکارہ مومل خالد کار حادثہ میں شدید زخمی -
The news is by your side.

Advertisement

ماڈل اور ڈرامہ اداکارہ مومل خالد کار حادثہ میں شدید زخمی

کراچی :ماڈل اور ڈرامہ  اداکارہ مومل خالد ایک کار حادثہ میں شدید زخمی ہوگئی جبکہ انکا منگیتر موقع پر ہی جاں بحق ہوگیا۔

تفصیلات کے مطابق کراچی میں مومل خالد اپنے منگیتر کے ہمراہ گاڑی میں جارہی تھی کہ انکی گاڑی دوسری گاڑی سے جا ٹکرائی، حادثہ میں مومل خالد کے منگیتر شاہ زیب مگسی موقع پر ہی انتقال کر گئے جبکہ مومل خالد کو شدید زخمی حالت میں اسپتال منتقل کیا گیا، اس وقت وہ آئی سی یو میں ہے۔

ہسپتال ذرائع کے مطابق مومل خالد کی حالت تشویشناک ہے، حادثہ اتنا خوفناک تھا کہ گاڑی کا ایک طرف کا حصہ مکمل طور پر تباہ ہوگیا۔

واضح رہے کہ اداکارہ اور ماڈل مومل خالد بہت سے ٹی وی ڈراموں میں ادکاری کے جوہر دکھا چکی ہیں، مومل خالد ایک ٹیکسٹائل ڈیزائننر ہے انھوں نے ٹیکسٹائل انسٹی ٹیوٹ آف پاکستان میں تعلیم حاصل کی ہے۔
مومل خالد نے ماڈلنگ کے بعد اداکاری سے شوبز کیریئر کا آغاز کیا اور تیزی سے کامیابی کی سیڑھی چڑھنے لگی، مومل خالد کو  آئندہ سیریل “عاشق حسین میں دیکھا جائے گا، جس میں اداکارہ صائمہ اور اداکار فیصل قریشی  بھی انکے ساتھ شامل ہیں۔

Comments

comments

یہ بھی پڑھیں