ماڈل ٹاؤن شہداء کی قربانی رائیگاں نہیں جائیگی، رحیق عباسی -
The news is by your side.

Advertisement

ماڈل ٹاؤن شہداء کی قربانی رائیگاں نہیں جائیگی، رحیق عباسی

رینالہ خورد: پاکستان عوامی تحریک کے صدر ڈاکٹر رحیق عباسی نے کہا ہے کہ پاکستان کے ظالمانہ نظام کو بدلنے کی ضرورت ہے۔

تفصیلات کے مطابق نیشنل ایکشن پلان کے تحت دہشت گردی، انتہاپسندوں رینالہ خورد میں پاکستان عوامی تحریک کے دفتر کے افتتاح کے بعد پریس کانفرنس کرتے ہوئے رحیق عباسی نے کہا کہ نیشنل ایکشن پلان پُرامن لوگوں کے خلاف ہے۔

حکومت دہشت گردوں کا سیاسی گروہ ہے یہ دہشت گردوں کی بجائے پُرامن لوگوں کے خلاف کام کر رہے ہیں ،انہوں نے کہا کہ 22شہداء کی قربانی رائیگاں نہیں جائیگی۔

جو لوگ ظلم وستم اور بربریت کا شکار ہوئے ہیں انکی جدوجہد رنگ لائے گی انہوں نے کہا کہ ہم تحریک انصاف سے مکمل رابطے میں ہیں ہماری انقلابی جدوجہد جاری رہے گی۔

انہوں نے کہا کہ ڈاکٹر طاہر القادری مارچ میں واپس آکر اپنے دس نکاتی ایجنڈے پر عمل کروانے کے لیے جدوجہد جاری رکھیں گے چونکہ ان حکمرا نوں کے ہا تھ ہمارے شہیدوں کے خون سے رنگے ہو ئے ہیں۔

انہوں نے کہا کہ ہم اس وقت سکون سے نہیں بیٹھیں گے جب تک ملزمان کو پھا نسی تک نہ پہنچا لیں، انہوں نے مزید کہا کہ بے گھروں کو گھر دلانا ، تعلیم و صحت کی بنیادی سہولیات فراہم کرنا ، بے زمین کسانوں کو زمین دلانا، عزت کی روٹی فراہم کرناہمارا منشور ہے۔

انہوں نے کہا کہ دہشت گردی اور فرقہ واریت کے خاتمہ تک ہماری جدوجہد جاری رہے گی۔

Comments

comments

یہ بھی پڑھیں