The news is by your side.

Advertisement

ماہر نفسیات ڈاکٹر امداد سومرو کی تشدد زدہ لاش برآمد

جامشورو: ماہر نفسیات ڈاکٹر امداد سومرو کی تشدد زدہ لاش برآمد ہوئی، معروف ماہر نفسیات کو بائیس روز قبل اغواء کیا گیا تھا۔

بائیس روز قبل اغواء کیے جانے والے ماہر نفسیات ڈاکٹر امداد سومرو کی تشدد زدہ لاش تھرمل پاور جامشورو کے نزدیک سے برآمد ہوئی، پولیس نے ڈاکٹر امداد کی بازیابی کیلئے مختلف مقامات پر چھاپے مارے جو بے سود ثابت ہوئے ۔

آج صبح امداد سومرو کی لاش ملنے پر پولیس کو اطلاع دی گئی، جس پر پولیس نے لاش کو لیاقت میڈیکل یونیورسٹی اسپتال منتقل کردیا۔

بعد ازاں لاش کو پوسٹ مارٹم کیلئے سول اسپتال حیدرآباد منتقل کیا گیا، ذرائع کے مطابق ملزمان نے مغوی ڈاکٹر کے لئے بھاری تاوان طلب کیا تھا۔

ڈاکٹر امداد سومرو مینٹل اسپتال حیدرآباد میں ڈپٹی ایم ایس کے عہدے پر فائز تھے، پولیس نے واقعے کی تحقیقات شروع کردی ہے۔

Print Friendly, PDF & Email

Comments

comments

یہ بھی پڑھیں