کراچی : ایم کیو ایم کے عہدیدار باؤ انوارکے قتل کے خلاف سیالکوٹ اور سندھ کے کئی شہروں میں ایم کیو ایم کے کارکنوں نے احتجاج کیا ہے۔سیالکوٹ میں ایم کیوایم کے عہدیدارباؤمحمدانور کے قتل پر شہر میں سوگ کاسماں ہے۔
کارکنان نے قتل کیخلاف احتجاجی ریلی نکالی۔ حیدرآباد میں ایم کیو ایم کے کارکنوں نے باؤ انور کے قاتلوں کی گرفتاری کیلئے پریس کلب کے سامنے دھرنا دیا۔میر پور خاص میں ایم کیوایم کے عہدیدار کے قتل کیخلاف پریس کلب کے سامنے احتجاج کیا گیا ۔
مظاہرے کی قیادت ایم کیوایم میرپورخاص کے زونل انچارج مجیب الحق و اراکین زونل کمیٹی نے کی۔ مظاہرین نے حکومت سے مطالبہ کیا ہے کہ باؤانوار کے قاتلوں کو فوری گرفتار کیا جائے۔
کارکنان نے پلے کارڈ اٹھا رکھے تھے جن پر باؤ انوار کے قاتلوں کی گرفتاری کے مطالبات درج تھے۔دادو،سانگھڑ،ٹنڈو محمد خان سمیت کئی شہروں میٕں ایم کیو ایم کے رہنما باؤ انور کے قتل کیخلاف احتجاجی مظاہرے کئے گئے ہیں۔
