site
stats
پاکستان

متحدہ کیمپ پرحملے کا مقدمہ نامعلوم افراد کیخلاف درج

کراچی: اورنگی ٹاؤن میں  ایم کیوا یم کے رکنیت سازی کیمپ پر دستی بم حملے کامقدمہ درج کرلیاگیا۔حملے میں ایک شخص جاں بحق اور تین ایم پی ایز سمیت پچاس کارکن زخمی ہوئے تھے۔

تفصیلات کے مطابق اورنگی ٹاؤن میں ایم کیو ایم کی رکنیت سازی کیمپ پر دستی بم حملے کامقدمہ تھانہ اورنگی ٹاؤن میں نامعلوم افراد کیخلاف درج کرلیاگیا۔ایم کیوایم کے کارکن کی مدعیت میں درج مقدمے میں انسداد دہشت گردی کی دفعات شامل کی گئیں ہیں۔

جمعہ کے روز رکنیت سازی کیمپ پرحملے میں تین ایم پی ایز سمیت پچاس کارکن زخمی ہوئےتھے جن میں سے ایک کارکن اسپتال میں دوران علاج چل بسا۔حملے کی ذمہ داری دو کالعدم تنظیموں نے قبول کی تھی ۔

ایم کیوایم لندن رابطہ کمیٹی نے حکومت سے مطالبہ کیاہے کہ ذمہ داری قبول کرنے والی کالعدم جماعت الاحرار اورجنداللہ کے خلاف سخت کارروائی کی جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top