متنازع تقریر پر پی پی کراچی ڈویژن کے صدر قادر پٹیل کو شوکاز نوٹس -
The news is by your side.

Advertisement

متنازع تقریر پر پی پی کراچی ڈویژن کے صدر قادر پٹیل کو شوکاز نوٹس

کراچی: پاکستان پیپلز پارٹی نے متنازع تقریر پر کراچی ڈویژن کے صدر عبدالقادر پٹیل کو شوکاز نوٹس جاری کردیا ہے۔

قادر پٹیل کی متنازع تقریر پر پیپلز پارٹی نے سختی سے نوٹس لیتے ہوئے وضاحت طلب کرلی ہے، وزیرِ اطلاعات و بلدیات سندھ شرجیل میمن کا کہنا ہے کہ قادرپٹیل کو اپنی متنازع تقریر سے متعلق پارٹی قیادت کو وضاحت پیش کرنا ہوگی۔

یاد رہے کہ چند روز قبل قادر پٹیل پارٹی کی طرف سے سینیٹ کا ٹکٹ نہ ملنے پر رحمان ملک سے ناراض تھے اور رحمان ملک کے بارے میں ایک تقریر میں ان کا کہناتھا کہ ان کے فارمولے پارٹی کے کارکنوں کی سمجھ سے باہر ہیں۔

قادر پٹیل نے اپنی تقریر میں پیپلز پارٹی کے ایم کیو ایم سے سینٹ الیکشن میں اتحاد پر پارٹی لیڈ شپ کو تنقید کا نشانہ بنایا تھا۔

جس پر انہیں پارٹی کی طرف سے شوکاز نوٹس جاری کیا گیا۔

Comments

comments

یہ بھی پڑھیں