site
stats
انفوٹینمنٹ

محبت سے جڑے پانچ حقائق

دنیا کا ہر انسان محبت کا متلاشی ہوتا ہے، محبت پر فلمیں بنتی ہیں اور اس موضوع پر لکھے جانے والے ناول شادی شدہ اور کنوارے قارئین میں یکساں مقبول ہیں۔

بہت سے لوگ یہ سمجھتے ہیں کہ محبت کا حقیقت سے کچھ بھی لینادینانہیں ہے مگر یہاں ہم کچھ ایسے حقائق آپ کو بتائیں گے جو کہ خالصتاً محبت سے تعلق رکھتے ہیں۔

ساتھی کا چناؤ: ہمارے معاشرے میں جیون ساتھی کا چناؤ اپنی مرضی سے کرنا نا ممکن تو نہیں لیکن مشکل ضرور ہے یہاں تک کہ اب سے 100سال قبل تو اس کا کوئی تصور ہی نہیں تھا اورابھی بہت سے خاندانوں میں پسند کی شادی کو قبیح فعل سمجھا جاتا ہے۔


محبت سے خوف: اکثر لوگ یہ سمجھتے ہیں کہ وہ ایک بہترین جیون ساتھی ڈھونڈنے کی اہلیت نہیں رکھتے اور ان کا ممکنہ ساتھی ان کا ساتھ نہیں نبھا پائے گا ۔ محبت سےخوف کو ’فیلو فوبیا‘کہتے ہیں۔

چہرہ: کسی بھی شخص سے محبت کرنے کی جو ابتدائی وجوہات ہوتیں ہیں ان میں چہرہ سب سے زیادہ اہم ہے یہاں پر یہ بھی وضاحت کرتے چلیں کہ چہرے کی ساخت کو پسند کرنے کا معیار ہرشخص کے نزدیک الگ ہوتا ہے جیسے کسی کو گول چہرے پسند ہوتے ہیں تو کسی کو کتابی ، کوئی گلاب پنکھڑی لبوں کا مداح ہوتاہے تو کوئی جھیل سی گہری نرگسی آنکھوں کا اور یہ پسند جیون ساتھی کی تلاش میں اولین حیثیت رکھتی ہے۔

اثرات: محبت میں مبتلا افراد کی تعمیری صلاحیتیں متاثر ہوجاتی ہیں خصوصاً جب معاملہ نیانیا ہو کیونکہ انسان کی پوری توجہ اپنی محبت پر مرتکز ہوتی ہے اورجو دو معاملاتِ زندگی محبت سے سب سے زیادہ متاثر ہوتے ہیں وہ ’تعلیم‘اور’نوکری ‘ہیں۔

دل کی دھڑکن: محبت میں ردھم کی بہت اہمیت ہوتی ہے اور اگر دو پیار کرنے والے تین منٹ تک ایک دوسرے کی آنکھوں میں دیکھتے رہیں تو ان کے دل کی دھڑکنیں ہم آواز ہوجاتی ہیں یعنی دودل واقعتاً ایک ساتھ دھڑکنا شروع کردیتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top