The news is by your side.

Advertisement

محبت کرنا موت کا سبب بن گیا

لاہور: محبت کرنا جرم بن گیا لڑکی کے گھروالوں نے ایک دوسرے کو پسند کرنے والے جوڑے کو قتل کردیا۔

تفصیلات کے مطابق لاہورمیں حسن اور اقرا نامی محبت کرنے والوں کو لڑکی کے گھروالوں نے خاندانی روایات سے بغاوت کرنے کے جرم میں موت کے گھاٹ اتاردیا۔

پولیس کا دعویٰ ہے کہ دونوں کو قتل کیا گیاہے اور اس کاروائی میں لڑکی کے اہلِ خانہ ملوث ہیں۔

پولیس کے مطابق حسن کا تعلق پنجاب کے علاقے پتوکی سے اوراقرا کا تعلق شاہ پورکانجراں سے ہے۔ دونوں ایک دوسرے کو پسند کرتے اور شادی کرنے کے لئے گھر والوں سے بغاوت کرکے لاہورآئے تھے۔

پاکستان میں غیرت کے نام پر قتل معمول کی بات ہے اور ہر سال کئی افراد اس کا شکار بن جاتے ہیں مئی 2014 میں فرزانہ پروین نامی حاملہ خاتون کو اس کے اہل خانہ نے اینٹوں سے وار کر کرکے ہلاک کردیا تھا۔

ایک محتاط اندازے کے مطابق ہرسال کم از کم 500 خواتین صرف پنجاب میں اس مکروہ جرم کا شکار بنتی ہیں۔

Comments

comments

یہ بھی پڑھیں