محرم الحرام : ملک بھر میں سیکیورٹی کے سخت انتظامات -
The news is by your side.

Advertisement

محرم الحرام : ملک بھر میں سیکیورٹی کے سخت انتظامات

کراچی : محرم الحرام کی آمد کے ساتھ پورے ملک میں محرم کی مجالس اور جلوسوں کا سلسلہ جاری ہے، مختلف شہروں میں سیکیورٹی کے حوالے سے بھی سخت انتطامات کیے گئے ہیں ۔

ملک بھر میں محرم الحرام کی آمد کے ساتھ ہی مجالس اور جلوسوں کا آغاز ہو چکا ہے، لاہور شہر میں اٹھارہ سو مختلف مقامات پر مجالس کا اہتمام کیا گیا ہے، اس موقع پر سیکیورٹی کے سخت انتظامات دیکھنے میں آرہے ہیں، ریزرو پولیس کے آٹھ ہزار جوان بھی محرم کی مجالس اور جلوسوں کی سیکیورٹی کے فرائض انجام دے رہے ہیں۔

اسی طرح کراچی شہرمیں بھی مختلف حساس مقامات پر پولیس اور رینجرز کی اضافی نفری تعینات ہے، مجالس اور چھوٹے بڑے جلوس کا سلسلہ بھی جاری ہے، تقریبا چودہ ہزار اہلکار امام بارگاہوں اور جلوسوں کے راستوں کی نگرانی پر مامور ہیں ساتھ ہی سی سی ٹی وی کیمروں سے بھی مدد لی جا رہی ہے ۔

ملتان شہر میں بھی مجالس اور جلوسوں کی آمد کا سلسلہ جاری ہے۔

یکم محرم سے دس محرم تک سولہ سو مجالس اور چار سو پچاسی چھوٹے بڑے جلوس نکالے جائیں گے۔ مختلف امام بارگاہوں پرسی سی ٹی وی کیمرے اور واک تھرو گیٹ بھی نصب کئے گئے ہیں ۔

Comments

comments

یہ بھی پڑھیں