site
stats
اہم ترین

محرم الحرام میں صوبے کی سیکیورٹی اولین ترجیح ہوگی، آئی جی سندھ

کراچی: ملک بھرکی طرح کراچی میں بھی محرم الحرام کے دوران سیکیورٹی کے سخت انتظامات کئے گئے ہیں۔ فوج کو اسٹینڈ بائی پر رکھا گیا ہے تاکہ کسی بھی ناخوشگوار واقعے کی صورت میں فوج فوری حرکت میں آجائے گی۔ سندھ کی سیکیورٹی کے حوالے سے آئی جی سندھ غلام حیدر جمالی کہتے ہیں محرم الحرام میں صوبےکی سیکورٹی اولین ترجیح ہوگی۔

تفصیلات کے مطابق محرم الحرام میں دہشت گردی اورفرقہ وارانہ کشیدگی کے خطرے کے پیش نظرملک بھرمیں سیکیورٹی سخت کردی گئی ہے۔ اسلام آباد میں پولیس اور رینجرزسیکیورٹی کے فرائض انجام دے رہے ہیں اور فوج اسٹینڈ بائی ہے۔ فوج کسی بھی نا خوشگوار واقعے کی صورت میں فوراً حرکت میں آجائے گی۔

ملک بھر کی طرح کراچی میں بھی سخت سیکیورٹی انتظامات کئے گئے ہیں۔ محرم الحرام میں سندھ بھر کی سیکیورٹی کے حوالے سے آئی جی سندھ غلا حیدر جمالی کا کہنا ہے کہ محرم الحرام میں صوبے کی سیکیورٹی اولین ترجیح ہوگی۔ آئی جی سندھ کا کہنا ہے کہ نو اور دس محرم کو بائیس ہزار پولیس اہلکار تعینات کیئے جائینگے۔

آئی جی سندھ غلام حیدر جمالی کا کہنا تھا کہ محرم الحرام میں سیکیورٹی کو مزید سخت کرتے ہوئے بم ڈسپوزل اسکواڈ کی ذمہ دار لگا دی گئی ہے کہ وہ اہم مقامات کی سوئپنگ اورسرچنگ بھی کرے۔ انھوں نے مزید کہا کہ جلوسوں کے روٹس پراہم عمارتوں پر ماہر نشانہ باز بٹھائے جائیں گے۔

محرم الحرام میں سیکیورٹی کے پیش نظر نو اور دس محرم کو کئی شہروں میں موٹر سائیکل کی ڈبل سواری پرپابندی لگانے اورموبائل فون سروس بند کرنے پربھی غور کیا جا رہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top