site
stats
کھیل

محمد حفیظ کا بولنگ ایکشن ٹیسٹ مکمل، فی الحال بولنگ کراسکتے ہیں

چنائی : پاکستان کے آف اسپنر محمد حفیظ کا بولنگ ایکشن ٹیسٹ مکمل ہوگیا۔ رپورٹ کا نتیجہ آنے حفیظ بولنگ کراسکتے ہیں۔

تفصیلات کے مطابق محمد حفیظ کا بولنگ ایکشن ٹیسٹ چنائی کی بائیو میکنیک لیب میں ہوا۔ بولنگ ایکشن ٹیسٹ کے دوران حفیظ سے چھ اوورز کروائے گئے۔

حفیظ کا بولنگ ایکشن گال میں رپورٹ ہوا تھا، محمد حفیظ کے بالنگ ایکشن کو گال ٹیسٹ کے امپائر اور میچ ریفری کرس براڈ نے مشکوک قرار دیا تھا۔جس کے بعد وہ تیسرے ٹیسٹ میں ٹیم کا حصہ نہیں بنے۔

رپورٹ کا فیصلہ آنے تک حفیظ بولنگ کراسکتے ہیں۔ بولنگ ایکشن ٹیسٹ میں ناکام ہونے پر پاکستانی آل راؤنڈر پر ایک سال تک کیلئے بولنگ کرانے پر پابندی لگ سکتی ہے۔ محمد حفیظ آج چنائی سے کولمبو میں ٹیم کو جوائن کرلیں گے۔

واضح رہے کہ محمد حفیظ کا بولنگ ایکشن نومبر دو ہزار چودہ میں پہلی بار رپورٹ ہوا تھا جس کے بعد انہیں بولنگ کرانے سے روک دیا گیا تھا۔ محمد حفیظ نے اپنے بولنگ ایکشن کو بہتر بناکر دوبارہ بولنگ کرانےکا حق حاصل کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top