The news is by your side.

Advertisement

محمد حفیظ کلئیر ہوکرجلد ٹیم کا حصہ ہوںگے، معین خان

دبئی : پاکستان کرکٹ ٹیم کے مینجر معین خان نے امید ظاہر کی ہے کہ محمد حفیظ بولنگ ایکشن میں کلئیر ہوکر جلد ٹیم کا حصہ ہوں گے۔

واضح رہے کہ پاکستانی آل راؤنڈ محمد حفیظ بولنگ ایکشن میں رپورٹ ہونے والے دوسرے پاکستانی کھلاڑی ہیں، نیوزی لینڈ کے خلاف ابوظہبی ٹیسٹ میں حفیظ کا ایکشن رپورٹ ہوا تھا اور انہیں اکیس روز کے اندر آئی سی سی کی منظور شدہ لیبارٹری میں ایکشن کی جانچ کرانے کی تاکید کی گئی ہے۔

حفیظ کیویز کے خلاف تیسرے ٹیسٹ سے بھی باہر ہوگئے ہیں اور ان کی آج وطن واپسی متوقع ہے۔ حفیظ وطن واپسی کے بعد ایکشن کی بہتری پر کام کریں گے۔

ٹیم کے مینجر معین خان نے امید ظاہر کی ہے کہ حفیظ ایکشن میں کلئیر ہوکر جلد ہی ٹیم کا حصہ ہوں گے، حفیظ کا معاملہ اتنا سنگین نہیں ہے کیونکہ امپائرز نے ان کی صرف چار گیندوں پر اعتراض کیا ہے۔

Print Friendly, PDF & Email

Comments

comments

یہ بھی پڑھیں