محکمہ موسمیات نے مزید بارشوں کی پیش گوئی کردی -
The news is by your side.

Advertisement

محکمہ موسمیات نے مزید بارشوں کی پیش گوئی کردی

اسلام آباد /لاہور / پشاور / کراچی : محکمہ موسمیات کے مطابق آئندہ 24گھنٹوں کے دوران بہاولپور، ملتان، ڈی جی خان، سکھر، ساہیوال، ڈی آئی خان، مالاکنڈ ڈویژن میں اکژ مقامات پر، سبی، ژوب، لاڑکانہ، نصیر آباد، میرپور خاص، ہزارہ، راولپنڈی، سرگودھا، فیصل آباد ڈویژن، اسلام آباد، فاٹا اور گلگت میں کہیں کہیں جبکہ لاہور، گوجرانوالہ،حیدرآباد، شہید بینظیرآباد ڈویژن،کشمیر اور بلتستان میں چند مقامات پر گرج چمک کے ساتھ بارش کا امکان ہے۔

اس دوران بہاولپور، ملتان، ساہیوال، ڈی جی خان اورسکھر ڈویژن میں چند مقامات پر موسلا دھار بارش کی بھی توقع ہے۔

محکمہ موسمیات کے مطابق آئندہ دو روز کے دوران بالائی پنجاب، بالائی خیبر پختونخواہ، کشمیر، گلگت بلتستان اور مشرقی بلوچستان میں کہیں کہیں بارش کا سلسلہ کم شدت کے ساتھ جاری رہے گا۔

جبکہ کل(جمعرات) سے میر پورخاص، حید رآباد اور کراچی ڈویژن میں موسم صاف ہونا شروع ہو جائے گا۔مون سون کی غیر معمولی بارشوں کے باعث اگلے دو روز کے دوران جنوبی پنجاب اور بالائی سندھ میں Urban Flooding اور Flash Flooding کے خطرے کے پیش نظر متعلقہ اداروں کو احتیاطی تدابیر اور ضروری انتظامات کرنے کی ہدایت جاری کی گئی ہے۔

گزشتہ 24 گھنٹوں کے دوران ریکارڈ کی گئی بارش(ملی میٹر)

سب سے زیادہ بارش نگر پارکرمیں 190 ملی میٹر جبکہ اسلام کوٹ 113، خان پور 96، ڈپلو 48، پارہ چنار ِ31،دادو 28، دیر 25، چھاچرو22، جیکب آباد، حیدرآباد، کراچی ائیر پورٹ، رحیم یار خان 15، کوٹ ادو10، بہاولپور(سٹی) 08، گڑھی دوپٹہ 07، جوہرآباد 06، مالم جبہ 05، موہنجو دارو ،سکھر ، ہنزہ، لیہ 04، مٹھی ، روہڑی ، کالام ڈی جی ،خان، 03، حیدر آباد (سٹی )، لاڑکانہ، ٹھٹھہ 02، فیصل (بیس)،صدر، منڈی بہاولدین، راولاکوٹ ، چترال اور بھکر میں01 ملی میٹر ریکارڈ کی گئی۔

آج ریکارڈ کیے کئے گرم ترین مقامات

سب سے زیادہ درجہ حرارت نوکنڈی میں 43 ڈگری سنٹی گریڈ جبکہ دالبندین42، تربت41، چلاس میں 40 ڈگری سنٹی گریڈ ریکارڈ کیا گیا۔

Comments

comments

یہ بھی پڑھیں