مختلف شہروں میں اضافی لائٹس بند کر کے ارتھ آور منایا گیا -
The news is by your side.

Advertisement

مختلف شہروں میں اضافی لائٹس بند کر کے ارتھ آور منایا گیا

اسلام آباد/ کراچی  : دنیا بھر کی طرح پاکستان کے مختلف شہروں میں اضافی لائٹس بند کر کے زمین سے اظہار محبت کیلئے پاکستانی قوم نے بھی ارتھ آور منایا۔

تفصیلات کے مطابق زمین کو ماحولیاتی اثرات سے بچانے کیلئے پاکستان کے مختلف شہروں میں ارتھ آور منایا گیا۔ساڑھے آٹھ سے ساڑھے نو بجے تک غیر ضروری لائٹس بند رکھ کر زمین سے محبت کا اظہار کیا گیا۔

وزیراعظم ہاؤس اور پارلیمنٹ میں ایک گھنٹےکیلئےتمام بتیاں بند رکھی گئیں، چاروں گورنرہاؤسز اور وزیراعلیٰ ہاؤسز میں بھی ایک گھنٹے تک اضافی بتیاں بند رکھی گئیں۔

اس کے علاوہ صوبائی اسمبلیوں میں غیرضروری بتیاں بند کر کے ارتھ آور منایا گیا۔لاہور میں بھی واپڈا ہاؤس سمیت کئی عمارتوں میں ایک گھنٹے تک اندھیرا کیا گیا۔

کراچی میں ایم کیو ایم کےمرکز نائن زیرو پر بھی لائٹس بند کر کے آرتھ آور منایا گیا۔ کراچی میں اے آر وائی نیوز کے دفاتر میں شمعیں جلا کر اپنی زمین سےمحبت کا اظہار کیا گیا۔

واضح رہے کہ آرتھ آور ڈے منانے کا مقصد دنیا میں ہونے والی ماحولیاتی تبدیلیوں کے اثرات کو کم کرنا ہے،  یہ دن ہرسال مارچ کے آخری ہفتہ کو منایا جاتا ہے۔

کراچی دنیا کے دیگر سات ہزار شہروں کی طرح ڈبلیو ڈبلیو ایف کے ساتھ ارتھ ڈے منانے والے شہروں میں شامل ہوگیا ہے۔

Comments

comments

یہ بھی پڑھیں