The news is by your side.

Advertisement

مختلف علاقوں سے 95 ملزمان گرفتار، اسلحہ برآمد

کراچی : پولیس اور رینجرزنے کراچی کے مختلف علاقوں سے 95 ملزمان گرفتار کرلئے۔

تفصیلات کے مطابق شہر کے مختلف علاقوں میں پولیس اور رینجرز نے کارروائیاں کر کے 95ملزمان کو گرفتار کرلیا۔

پولیس نے شیریں جناح کالونی میں سرچ آپریشن کرتے ہوئے مطلوب ملزمان سمیت سترہ مشتبہ افراد کو گرفتار کرکے اسلحہ برآمد کرلیا۔

دوسری جانب رینجرز نے گلشن اقبال ، اور نارتھ ناظم آباد، اورنگی ٹاؤن، شاہ فیصل کالونی، خمیسو گوٹھ ، لانڈھی سمیت مختلف علاقوں میں کارروائیوں کے دوران 78 ملزمان کو گرفتار کرکے اسلحہ برآمد کرلیا۔

ترجمان رینجرز کے مطابق گرفتار ملزمان میں کالعدم تنظیم کے کارندے ، بھتہ خور، ٹارگٹ کلر ، اور دیگر جرائم پیشہ افراد شامل ہیں۔ مذکورہ ملزمان کیخلاف مقدمات درج کر کے مزید تفتیش کی جارہی ہے۔

Comments

comments

یہ بھی پڑھیں