site
stats
عالمی خبریں

مراکش کی مسجد میں چوہے کے خوف سے بھگدڑ، حاملہ خاتون سمیت درجنوں افراد زخمی

ربات: مراکش کی ایک مسجد میں ایک چوہے کے سبب بھگدڑ مچ جانے سے حاملہ خاتون سمیت80 سے زائد افراد زخمی ہوگئے۔

تفصیلات کے مطابق یہ حادثہ مراکش کے سب سے بڑے شہرکیسا بلانکا کی مسجد حسن دوئم میں پیش آیا جو کہ عصر کے وقت نمازیوں سے بھری ہوئی تھی۔

حادثے میں 81 افراد زخمی ہوئے جن میں زیادہ تعداد خواتین کی ہے۔ زخمی ہونے والوں کو ہلکی نوعیت کے زخم آئے ہیں، کچھ بے ہوش ہوئے، جبکہ چند افراد کی ہڈیاں ٹوٹنے کے واقعات بھی پیش آئے ہیں۔

سب سے زیادہ نازک حالت ایک حاملہ خاتون کی ہےجن کی ٹانگ دو مقامات سے ٹوٹ گئی ہے اور انہیں انتہائی نگہداشت میں رکھا جارہاہے۔

یہ ساری صورتحال اس وقت پیش آئی جب ایک خاتون نے چوہے سے خوفزدہ ہوکرچلانا شروع کردیا جس کے سبب عبادت میں مصروف افراد خوفزدہ ہوکر چلاتے ہوئے مسجد سے باہر نکلنے لگے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top