پشاور: خیبرپختونخواہ میں ایک مرتبہ پھردوعیدیں منانے کی روایت برقراررہنے کاامکان ہے پشاورکی مسجدقاسم خان میں آج چاند دیکھنے کے لئے اجلاس طلب کرلیا گیا۔
ایک ہی ملک اورعیدیں دو یہ صرف پاکستان میں ہی ممکن ہے پشاورکی مسجد قاسم خان کے اپنے ہی ضابطے ہیں یہی وجہ ہے کہ ہر سال ہوتے ہیں پشاوروالوں کے روزے الگ، چاند الگ اورعید بھی الگ۔
اس بار بھی پشاوروالوں نے اپنی روایت برقراررکھتے ہوئے مسجدقاسم خان آج عید کا چاند دیکھنے کے لئے اجلاس طلب کرلیا ہے اجلاس میں بیس سے زیادہ علماء شریک ہونگے جبکہ صدارت مفتی شہاب الدین پوپلزئی کریں گے۔
اجلاس افطارکے بعدشروع ہوگا جس میں صوبے کے کسی حصےسے چاند کی شہادت موصول ہوئی توپھرکل عید منانے کا فیصلہ کیا جائے گا جبکہ حکومت کی نامزد قومی رویت ہلال کمیٹی نے چاند دیکھنے کے لئےاجلاس کل طلب کیاہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
