site
stats
پاکستان

مسلح افواج کی پریڈ دہشت گردوں کیلئے ایک بڑا پیغام ہے،جلیل عباس جیلانی

واشنگٹن: پاکستان سفارت خانے میں یومِ پاکستان کے موقع پر تقریب سے خطاب کرتے ہوئے امریکہ میں تعینات پاکستانی سفیر جلیل عباس جیلانی نے کہا ہے کہ پاکستان کا امن بحال ہونا شروع ہوگیا ہے جبکہ مسلح افواج کی پریڈ دہشت گردوں کیلئے ایک بڑا پیغام ہے۔

یوم پاکستان کے موقع پر واشنگٹن میں پاکستانی سفارت خانے میں خصوصی تقریب کا اہتمام کیا گیا، سفیر پاکستان جلیل عباس جیلانی نے اس موقع پر پاکستانی پرچم بلند کیا اور صدر اور وزیرِاعظم کے پیغامات سے شرکاء کو آگاہ کیا۔

اے آر وائی نیوز سے خصوصی گفتگو کرتے ہوئے جلیل عباس جیلانی کا کہنا تھا کہ پاکستان میں امن و استحکام واپس آرہا ہے جبکہ یوم پاکستان پر پریڈ دہشت گردوں کیلئے ایک بڑا پیغام ہے، پاکستان تمام چیلنجز سے نمٹنے کی صلاحیت رکھتا ہے اور یہی وجہ ہے کہ عالمی دنیا خطے میں پائیدار امن کے قیام کیلئے پاکستان کے کردار کو اہمیت دے رہی ہے۔

یومِ پاکستان کے حوالے سے تقریب میں سفارت خانے کے اہلکاروں اور واشنگٹن میں موجود ممتاز پاکستانیوں کی کثیر تعداد نے شرکت کی اور پاکستان کی ترقی اور خوشحالی کیلئے دعائیں مانگی گئیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top