مسلسل تین دن ویڈیو گیم کھیلنے سے 32 سالہ شخص کی موت واقع -
The news is by your side.

Advertisement

مسلسل تین دن ویڈیو گیم کھیلنے سے 32 سالہ شخص کی موت واقع

تائی پے : انٹرینٹ کیفے میں مسلسل تین دن ویڈیو گیم کھیلنے کی وجہ 32 سالہ تائیوان کا شہری زندگی سے ہاتھ دھو بیٹھا ۔

تائیوان کے جنوبی جزیرے میں ایک شخص مسلسل تین روز گیم کھیلنے کی وجہ سے موت واقع ہوگئی، مرنے والے شخص کی شناخت ہیش کے نام سے ہوئی ہے، ہیش کو انٹرنیٹ کیفے میں ساکن حالت میں پایا گیا ۔

تائی پے ٹائمز کے مطابق ابتداء میں وہاں موجود لوگوں محسوس ہوا کہ ہیش سو رہا ہے لیکن جب اس کا معائنہ کیا گیا تو معلوم ہوا اس کی سانس نہیں آرہی تھی جس کے بعد اس کو فوری طور پراسپتال منتقل کردیا گیا جہاں اس کے موت کی تصدیق ہوگئی۔

ڈاکٹرز کا کہنا تھا کہ مسلسل گیم  کھیلنے کی وجہ سے اس عارضہ قلب بند ہوا جس کی وجہ سے موت واقع ہوئی۔

انٹرنیٹ کیفے کے عملے کا کہنا تھا کہ ہیش یہاں روزانہ آتا تھا اور دن بھر یہی رہتا تھا تام جب تھک جاتا تھا تو ٹیبل پر سر رکھ کر سوجاتا تھا ، اس لئے شروعات میں ہمیں اندازہ نہیں ہوا کہ وہ سو رہا ہے یا اس کی موت واقع ہوگئی ہے ۔

واضح رہے کہ نیو تائی پے سٹی میں اسی طرح کا ایک واقع 1 جنوری کو پیش آیا تھا جہاں مسلسل پانچ دن لگاتار ویڈیو گیم کھیلنے سے ایک 38 سالہ شخص کی جان چلی گئی تھی۔

Comments

comments

یہ بھی پڑھیں