The news is by your side.

Advertisement

مسلمانِ عالم آج شب معراج مذہبی عقیدت و احترام سے منائیں گے

آج ملک بھرمیں شبِ معراج انتہائی عقیدت واحترام سے منائی جائے گی، مساجد میں ملک وقوم کی سلامتی کے لئے خصوصی دعائیں کی جائیں گی۔

دنیا بھر میں مسلمان شب معراج انتہائی عقیدت و احترام کے ساتھ منانے کی تیاریاں کر رہے ہیں۔

 مسلمان آج شبِ معراج مذہبی عقیدت و احترام سے منائیں گے، معراج کی شب کو دین اسلام میں ایک نمایاں اور منفرد مقام حاصل ہے، جب اللہ رب العزت نے نبی کریم کو اپنے پاس بلا کر اپنا دیدار کرایا ۔

شب معراج رحمتوں اور نعمتوں کی رات ہے، جس روز حضور نبی کریم آسمانوں سے بھجوائی گئی خصوصی سواری البراق پر سوار ہو کر خالق کائنات سے ملاقات کے لئے تشریف لے گئے تھے اور امت کے لئے 5 فرض نمازوں اور رمضان المبارک کے روزوں کا تحفہ لے کر آئے۔

یہ واقعہ ہجرت سے پانچ سال قبل پیش آ یا، آج کی رات رب کائنات نے سرکار دوجہاں کو سات آسمانوں کی سیر کرائی، واقعہ معراج کے شکرانے کے طور پر عالم اسلام آج کی رات خصوصٰ عبادات کا اہتمام کرتے ہیں۔

گھروں میں خصوصی عبادات اور مساجد  میں چراغاں، زکر واذکار کی خصوصی محافل منعقد ہوتی ہیں، علماء کرام اس رات کی فضیلت و اہمیت واضح کرنے کے لئے خصوصی بیان کرتے ہیں۔

Comments

comments

یہ بھی پڑھیں