The news is by your side.

Advertisement

مسلم لیگ ن نے دھاندلی کے شواہد مٹانے کی کوششیں تیز کردی

اسلام آباد: پاکستان عوامی تحریک اور پاکستان تحریک انصاف کی جانب سے دھاندلی کے خلاف جاری ملک گیر احتجاج کے باوجود مسلم لیگ ن نے دھاندلی کے شواہد مٹانے کی کوششیں تیز کردی ہیں۔

انتہائی ذمہ دار ذرائع کے مطابق این اے 125 اور پی پی 147 میں ووٹوں کی دوبارہ گنتی کے نتائج تبدیل کئے جارہے ہیں، ذرائع کا کہنا ہے کہ دوبارہ گنتی میں این اے 125 سے کامیاب وفاقی وزیر ریلویز سعد رفیق 45 ہزار ووٹوں سے ہار رہے ہیں۔

مخالف حامد خان کو ہرانے کے لئے ہفتہ کی رات سے ووٹنگ بیگز کو تبدیل کرنے کا عمل جاری ہے۔

ذرائع کے مطابق دھاندلی کو تحفظ دینے کے لئے سرکاری افسران کے ساتھ ساتھ مسلم لیگ ن کی اہم افراد کو بھی ذمہ داریاں سونپی گئی ہیں، دوبارہ گنتی والے مقام پر کسی بھی شخص کو جانے سے روکا جارہا ہے۔ وکلا کی جانب سے ہڑتال کے اعلان کی وجہ سے سیشن کورٹ میں تمام کام بند ہے جبکہ پولیس کی نگرانی میں صرف دو بند کمروں میں بیلٹ بیگز کھولے جارہے ہیں۔

Print Friendly, PDF & Email

Comments

comments

یہ بھی پڑھیں