مشتعل مسافروں کا پی آئی اے دفتر کے باہر احتجاجی مظاہرہ -
The news is by your side.

Advertisement

مشتعل مسافروں کا پی آئی اے دفتر کے باہر احتجاجی مظاہرہ

لاہور : مشرق وسطٰی کے ممالک کو جانے والے مسافروں نے پروازیں نہ ملنے کے خلاف پی آئی اے لاہورکے دفتر کے باہر احتجاجی مظاہرہ کیا۔

تفصیلات کے مطابق پنجاب کے مختلف علاقوں سے تعلق رکھنے والے مسافر لاہور میں ایجرٹن روڈ پر پی آئی اے کے دفتر کے باہر جمع ہوئے اور انتظامیہ کیخلاف نعرے بازی کی۔

مظاہرین نے احتجاج کرتے ہوئے پی آئی اے کی ٹکٹوں پر جوتے بھی برسائے۔ مسافروں کا کہنا تھا کہ وہ گذشتہ ایک ہفتے سے پروازوں کے انتظار میں ایئرپورٹ کی کھلی فضا میں سوتے ہیں۔

پی آئی اے کی جانب سے نہ توسہولیات فراہم کی جا رہی ہیں نہ ان کی ٹکٹیں کنفرم کی جا رہی ہیں۔ مشرق وسطٰی کی مختلف ریاستوں میں ملازمتیں کرنے والے مسافروں کا کہنا تھا کہ ان کے ویزوں کی مدت ختم ہو رہی ہے اور انہیں اپنے دفاتر سے بھی ٹیلی فون اور پیغامات آ رہے ہیں کہ اگر دو دن تک نہ پہنچے تو انہیں ملازمتوں سے فارغ کر دیا جائے گا۔

Comments

comments

یہ بھی پڑھیں