پشاور: سابق صدر جنرل (ر) پرویز مشرف پر قاتلانہ حملے کے مرکزی مجرم کو ہری پورجیل سے خفیہ مقام پرمنتقل کردیا گیا، آج رات کسی وقت پھانسی متوقع ہے۔
تفصیلات کے مطابق سابق صدر پرحملے کے مرکزی مجرم نیازمحمد کو ہری پور جیل سے پشور کے خفیہ مقام پرمنتقل کیا گیا ہے۔
ذرائع کا کہنا ہے کہ آئندہ چوبیس گھنٹے میں نیازمحمد کی پھانسی متوقع ہے اورزیادہ ترامکان یہ ہے کہ نصف شب کے وقت پھانسی دی جائے گی۔
نیازمحمد کی پھانسی کے سبب سینٹرل جیل پشاور پرخصوصی سیکیورٹی کے انتظامات کئے گئےہیں۔
نیازمحمد کی رحم کی اپیل سپریم کورٹ اور صدرِ پاکستان کی جانب سے مسترد کی جا چکی ہے اور اب قانون کے مطابق مجرم کی سزا پر عمل درآمد ہونا لازمی ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
